برسلز(نیوزڈیسک) جرمن چانسلر انجیلا میرکل نے کہا ہے کہ یونان سے ہر قیمت پر معاہدہ کیا جانا ضروری نہیں ہے۔یوروزون ممالک کے سربراہ اجلاس میں شرکت کےلئے برسلز پہنچنے پر میڈیا سے گفتگو کرتے ہوئے جرمن چانسلر انجیلا میرکل نے کہا کہ اگر تمام فریق متفق ہو جائیں تو آج رات ہی معاہدہ ہو سکتا ہے۔ انھوں نے کہا کہ یونان سے ہر قیمت پر معاہدہ کیا ضروری نہیں ہے ، ہمیں یہ دیکھنا ہوگا کہ یونان اور یورو زون کےلئے اس معاہدے کے فوائد نقصانات سے زیادہ ہوں۔ دوسری جانب یونان کے وزیر اعظم ایلکسس تسپیراس نے کہا ہے کہ وہ سمجھوتے کےلئے تیار ہیں۔