اسلام آباد(آن لائن)سابق وزیرداخلہ اور پاکستان پیپلزپارٹی کے رہنما سینیٹر رحمان ملک نے کہا ہے کہ پیپلزپارٹی شہید محترمہ بے نظیر بھٹو کو انصاف نہیں دلا سکی ہے،پاکستان کو روس امریکہ اور چین کے ساتھ مشترکہ کام کرنا چاہئے،پاکستان کے مفاد کو سب چیزوں پر
فوقیت دی جائے۔نجی ٹی وی سے گفتگو میں کہا کہ حکومت کے خلاف پی ڈی ایم کا لانگ مارچ ضرور ہوگا مگر اس سے قبل سینیٹ انتخابات ہوں گے،براڈ شیٹ کے معاملے پر غیر جانبدارانہ تحقیقات ہونی چاہئیں،سیاسی جماعتوں کے درمیان سیاسی کشیدگی کا فائدہ ہمارے دشمن ملک اٹھاتے ہیں،بلوچستان پر دشمن وار کرسکتا ہے،اس کی سخت حفاظت کرنا ہوگی،آئین اور قانون نافذ کرنے والے اداروں کو بلوچستان کے معاملے پر چوکنا رہنا ہوگا،عمران خان تمام سیاسی جماعتوں کو ایک پلیٹ فارم پر اکٹھا کر سکتے ہیں،پی ڈی ایم میں شامل چند لوگ افواج پاکستان پر تنقید کرتے ہیں،فوج مخالف باتوں کا فائدہ دشمن ملک اٹھاتا ہے،ملکی اداروں پر تنقید نہیں ہونی چاہئے۔انہوں نے کہا کہ مجھے سینیٹ کا ٹکٹ کیوں نہیں دیاگیا اس پر تبصرہ نہیں کروں گا،میرے متعلق آصف زرداری کیا سوچتے ہیں مجھے کچھ معلوم نہیں ہے،پارٹی کے فیصلوں کا احترام کرتا ہوں۔
