اسلامم آباد(مانیٹرنگ ڈیسک /این این آئی )سینیٹ انتخابات میں جیت کا مشن تیزی کیساتھ مکمل ہونے لگا ۔ تفسیلات کے وزیراعظم عمران خان قریبی ساتھی و رہنما تحریک انصاف جہانگیر ترین کو ناراض ارکان کو منانے کا ٹاسک جہانگیر ترین کو سونپ دیا گیا ہے ۔ذرائع نے بتایا ہے کہ جہانگیر ترین کے ناراض ارکان اسمبلی سے رابطے شروع تیز کر دیے ہیں ، جبکہ خرم لغاری مان گئے

جبکہ دیگر ناراض اراکین کو مناننے کا سلسلہ ابھی جاری ہے ۔ اس سلسلے میں جنوبی پنجاب کے ناراض ارکان اسمبلی کو منانا جہانگیر ترین کا پہلا مشن ہے ، ذرائع کے مطابق جنوبی پنجاب کے بعد جہانگیر ترین دیگر ارکان اسمبلی کو بھی رام کریں گے۔دوسری جانب تحریک انصاف کے رہنما جہانگیرترین نے کہا ہے کہ وہ کل بھی تحریک انصاف کے ساتھ تھے اورآج بھی تحریک انصاف کے ساتھ ہیں۔تحریک انصاف کے رہنما جہانگیرترین نے اپنے بیان میں کہا کہ یوسف رضا گیلانی سے رابطے یا ملاقات کی خبریں بے بنیاد ہیں۔ تحریک انصاف کے لیے میں نے ہمیشہ دل وجان سے محنت کی ہے اورمیں کل بھی تحریک انصاف کے ساتھ تھا، آج بھی تحریک انصاف کے ساتھ ہوں۔واضح رہے کہ یوسف رضا گیلانی اسلام آباد سے سینیٹ کی عمومی نشست (جنرل سیٹ) کے لیے پی ڈی ایم کے مشترکہ امیدوار ہیں جبکہ ان کے مدمقابل وفاقی وزیر خزانہ ہیں، چند روز یہ سے خبریں گردش کررہی تھیں کہ یوسف رضا گیلانی نے اپنی حمایت کیلئے جہانگیرترین سے ملاقات کی ۔یاد رہے کہ چینی بحران میں نام آنے کے بعد وزیراعظم اور جہانگیر ترین کے درمیان فاصلے بڑھ گئے تھے جس کا ذمہ دار جہانگیر ترین نے وزیر اعظم کے پرنسپل سیکریٹری اوردیگر کو قرار دیا تھا۔ بعد ازاں جہانگیرترین بیرون ملک چلے گئے تھے تاہم کچھ ماہ بعد ہی وہ واپس آگئے تھے۔ جہانگیرترین نے فی الحال وزیراعظم اور دیگر حکومتی رہنماؤں سے فاصلہ اختیارکررکھا ہے تاہم یہ باتیں بھی گردش میں ہیں کہ جہانگیر ترین اوروزیراعظم کے درمیان سوشل میڈیا کے ذریعے رابطے ہیں اورجہانگیر ترین وقتاً فوقتاً انہیں معاشی حوالے سے مشورے بھی دیتے ہیں۔