اسلام آباد / ملتان(نیوزڈیسک) پاکستان میں چین کے سفیر سن وی ڈونگ نے پاک چین اقتصادی راہداری منصوبے کیلیے اپنے ملک کی بھرپورحمایت کا اعادہ کرتے ہوئے کہا ہے کہ یہ منصوبہ ہرقیمت پرمکمل کیا جائیگا۔چینی سفارتخانے کے ترجمان کے مطابق ان خیالات کا اظہارچینی سفیر نے ملتان کے دورے کے دوران کیا۔سن وی ڈونگ نے اقتصادی راہداری منصوبے سے متعلق تعمیراتی اورپیداواری منصوبوں،صلاحیتوں میں اضافے اور انفرااسٹرکچرکی ترقی کیلیے بھی اپنے ملک کی حمایت کااعلان کیا۔سفیرنے ملتان میںچینی کنٹریکٹرزکے تعمیرکردہ پاورپلانٹس کادورہ کیا۔اس دوران انھوں نے پاکستان میں توانائی کے منصوبوںکی تعمیرمیںشرکت کیلیے چینی کمپنیوںکی حوصلہ افزائی کی۔ ملتان میںچینی کمپنی نے گنے کے پھوگ سے بجلی بنانے کے60،60میگاواٹ کے دو پاور پلانٹس لگائے ہیںجوجدید اورماحول سے ہم ا?ہنگ ٹیکنالوجی سے لیس ہیں۔یہ منصوبے 2016سے بجلی کی پیداوار شروع کر دینگے۔چینی سفیر نے چائنیزکاٹن جننگ کمپنی اور ملتان کاٹن ریسرچ سٹیشن کابھی دورہ کیا۔چینی کمپنی ملتان میںکاٹن انڈسٹریل چین کی تعمیرکی خواہشمندہے۔چینی سفیر نے دونوں ممالک کے درمیان ثقافتی اور عوامی وفودکے تبادلوں پر بھی زوردیا اورکہاکہ چین کی حکومت ملتان کے طلبہ کو اپنے ملک میں پڑھائی کیلیے اسکالر شپس فراہم کریگی۔ڈی سی اوملتان زاہد سلیم گوندل سے ملاقات میں چینی سفیر نے شہرکی خوبصورتی اور لوگوں کے خلوص کوسراہتے ہوئے کہاکہ یہاں کے لوگ آم کی طرح میٹھے ہیں۔بعد ازاں چینی سفیر اور انکی اہلیہ کو ڈی سی او کی جانب سے ملتانی تہذیب وثقافت سے ا?راستہ تحائف پیش کیے گئے۔ چینی سفیرمزارحضرت شاہ رکن الدین عالم ? پر بھی گئے، اس موقع پرمحکمہ اوقاف کیطرف سے انکی دستاربندی بھی کی گئی۔