لاہور( این این آئی ) حکومت نے عالمی ادارے یونیسف کے اشتراک سے بچوں کے لیے کامیاب جوان جونیئر متعارف کرانے کا فیصلہ کرلیا،باہمی اشتراک کے معاہدے کے تحت 10سے 19 سال کے بچوں کیلئے منفرد پروگرام متعارف کرایا جائے گا۔معاون خصوصی عثمان ڈار اور یونیسف کی آیڈاگرمانے معاہدے پر دستخط کیے اور حکومت اور یونیسف نے پاکستان میں ایڈولیسنٹ ایکویلٹی اینڈیکس مرتب کرنے پر اتقاق کیا۔معاہدے کے تحت بچوں کی فلاح و بہبود، درپیش مشکلات کے مستقل حل کے
لئے پالیسی تشکیل دی جائے گی اور ایکویلیٹی انڈیکس کے ذریعے کم عمری میں بچوں کی رہنمائی ممکن ہوسکے گی۔آیڈا گرما کا کہنا ہے کہ یونیسف متعلقہ لوگوں کو ٹریننگ اور تکنیکی معاونت بھی فراہم کرے گا اور بچوں سے متعلقہ سوشل سیکٹر پالیسیز کا جائزہ لینے کے لئے بھی تعاون کرے گا۔وزیر اعلی پنجاب سردار عثمان بزدار نے کہا کہ انڈکس کا مقصد 10 سے 19 سال کے بچوں کے مسائل اور مشکلات جانچنا ہے، پروگرام کے ذریعے بچوں کی فلاح و بہبود کے لئے ملکر کام کریں گے۔
