اسلام آباد(مانیٹرنگ ڈیسک) پاکستان کابیلسٹک میزائل غزنوی کاکامیاب تجربہ،آئی ایس پی آرکے مطابق کمانڈرنے تجربہ میں حصہ لینے والی ٹیم کی کارکردگی کوسراہا، بیلسٹک میزائل غزنوی کے کامیاب تجربے پر صدر،وزیر اعظم اور مسلح افواج کے سربراہان نے تجربہ کرنے والی ٹیم اور قوم کو مبارکباد دی ہے، آئی ایس پی آر کے

مطابق میزائل 290 کلومیٹرتک اپنے ہدف کودرست نشانہ بنانے کی صلاحیت رکھتا ہے،یہ میزائل ایٹمی سمیت ہرقسم کا وار ہیڈلے جانے کی صلاحیت بھی رکھتا ہے، کمانڈرآرمی اسٹریٹجک فورسزکمانڈ لیفٹیننٹ جنرل محمدعلی نے تجربہ دیکھا۔اس موقع پر کمانڈر آرمی اسٹریٹجک فورسز نے پیشہ ورانہ تیاریوں کو سراہا اور ٹیم کی کارکردگی کی تعریف کی۔ آئی ایس پی آر کے مطابق چیئرمین جوائنٹ چیفس آف سٹاف کمیٹی جنرل ندیم رضا نے میزائل تجربہ ہوتے دیکھا۔ ڈی جی ایس پی ڈی، کمانڈر آرمی سٹرٹیجک فورس کمانڈ، چیئرمین نیسکام، میزائل پروگرام کے سائنسدان اور انجینئر بھی اس موقع پر موجود تھے۔واضح رہے کہ گزشتہ ماہ پاکستان نے بیس جنوری کو شاہین تھری بیلسٹک میزائل کا کامیاب تجربہ کیا تھا۔ شاہین تھری بلیسٹک میزائل کی رینج 2450 کلومیٹر ہے۔ شاہین تھری بیلسٹک میزائل نے بحیرہ عرب میں اپنے ہدف کو کامیابی سے نشانہ بنایا تھا۔شاہین تھری میزائل کا تجربہ ٹیکنیکل پیرامیٹرز کو جانچنے کے لیے کیا گیا تھا۔ دوسری جانب پاکستان سیٹیزن پورٹل پر شہری کی تجویز پروزیراعظم نے بروقت ایکشن لتے ہوئے کندھوں پر لکڑیاں لے جانے والی خواتین، بزرگ اور شہریوں کے لئے ٹرانسپورٹ مہیا کرنے کا حکم دیدیا۔ بدھ کو وزیر اعظم نے ریڈ زون کے اطراف میں کچی بستی کے غریب مکینوں کے لیے فوری

اقدامات کی ہدایت کی۔و زیر اعظم نے کہاکہ لکڑیاں لے جانے کے لیے ٹرانسپورٹ کی سہولت مہیا کی جائے۔وزیر اعظم کی ہدایت پر سی ڈی اے کو فوری احکامات جاری کئے گئے۔وزیر اعظم آفس کے مطابق سی ڈی اے کچی بستی کے مکینوں کے لیے ٹرانسپورٹ کا انتظام کرے گی،ٹرانسپورٹ کی سہولت بالکل مفت فراہم کی جائے گی،