فیصل آباد (مانیٹرنگ+ این این آئی) فیصل آباد کے علاقے ساہیانوالہ میں سہیلیوں پر فائرنگ کرنے والی لڑکی شاکرہ خود بھی دم توڑ گئی،اپنی سہیلی مقدس کو گولی مارنے کے بعد شاکرہ نے خود بھی زہریلی گولیاں کھا لیں، پولیس نے شاکرہ کو گرفتار کر لیا تھا لیکن اس کی حالت غیر ہونے پر ہسپتال منتقل کیا گیا لیکن وہ جانبر نہ ہو سکی
او ر دم توڑ گئی، پولیس کا کہنا ہے کہ سہیلیوں کے درمیان کسی معاملے پر تنازع چل رہا تھا، جاں بحق ہونے والی لڑکی مقدس نے شاکرہ کو اپنے گھر آنے سے منع کیا جس کے بعد ملزمہ شاکرہ نے اپنی سہیلیوں پر فائرنگ کرنے کے بعد زہریلی گولیاں کھا کر اپنی زندگی ختم کرنے کی کوشش کی اور ہسپتال پہنچ کر وہ بھی زندگی کی بازی ہار گئی، پولیس کی جانب سے اسلحہ قبضے میں لے کر تفتیش کا آغاز ہو گیا ہے، شاکرہ کے اہل خانہ کا کہنا ہے کہ مقدس نے اسے اپنے گھر آنے سے منع کیا تھا اس نے کہا تھا کہ تمہارے میرے گھر آنے سے میرے بھائیوں کو اچھا نہیں لگتا یہ بات ملزمہ برداشت نہ کر سکی اور یہ افسوسناک واقعہ رونما ہوا۔واضح رہے کہ ساہیانوالہ کے علاقہ لاہوریاں میں بائیس سالہ شاکرہ نے مکان کی چھت سے اپنی سہیلیوں 22مقدس اور شازیہ پر فائرنگ کردی جس کے نتیجے میں مقدس جاں بحق جبکہ شازیہ زخمی ہوگئی تھی،اہل علاقہ کے مطابق بائیس سالہ شکرا نے دو پستولوں سے فائرنگ کی۔دوسری جانب ایف آئی اے سائبر کرائم فیصل آباد میں دو مختلف کارروائیوں کے دوران دھوکہ دہی’ جعل سازی کر کے بول لاٹری سکیم اور بینک اکاوئٹس سے رقم خرد برد کرنے والے دو ملزمان کی گرفتاری عمل میں لائی گئی پہلی کاروئی چک نمبر 93 گ ب تحصیل جڑانوالا ضلع فیصل آباد عمل میں لائی اور
ملزم محمد رمضان اوڈہ کو گرفتار کیاگیا ملزم نے مدعی مقدمہ ملک محمود اعظم خان سکنہ گوجرہ کے رہائشی کو بول لاٹری سکیم کا جھاسہ دے کر 8 لاکھ روپے ہتھیا لئے ملزم نے 5 مختلف جاز کیش اکاؤنٹ سے رقم ٹرانسفر کرتے ہوئے اپنے زاتی اکا ؤنٹ میں منتقل کی ملزم سے 8 لاکھ روپے برآمد مقدمہ نمبر 25/21 تھانہ ایف آئی اے
فیصل آباد میں درج کیا گیادوسری کاروائی کے دوران اڈا ریاض آباد لالیاں سے محمد ارشد کو گرفتار کیا ملزم نے اسلام آباد کے رہائشی خاور نامی شخص کے کریڈٹ کارڈ کی معلومات لی اور ملزم نے پہلے 75000 ہزار روپے آن لائن شاپنگ ویب سائیٹ کے اکاؤنٹ میں منتقل کیے’ بعدازاں دھوکا دہی سے حاصل کردہ رقم کو استعمال کرتے ہوئے لالیاں کے رہائشی افراد کے بجلی کے بلوں کی مد میں ادائیگی کی ملزم کو گرفتار کرکے 60000 روپے دقم برآمد کی مقدمہ نمبر 31/21 تھانہ ایف آئی اے فیصل آباد میں درج کیا گیا۔
