اسلام آباد(آن لائن ) وفاقی وزیر داخلہ شیخ رشید احمد نے کہا ہے کہ اکتیس جنوری کی ڈیڈ لائن گزر گئی،پی ڈی ایم دیکھ لے عمران خان آج بھی وزیراعظم ہے،عمران خان کے مستعفی ہونے کا خواب دیکھنے والے اپنے استعفوں سے بھی بھاگ گئے۔ میڈیاسے گفتگو کرتے ہوئے وزیر داخلہ شیخ رشید نے کہا میں نے پہلے ہی کہہ دیا تھا کہ پی
ڈی ایم کے تلوں میں تیل نہیں ،ان کے اراکین پارلیمنٹ کے استعفے بھی ان کی جیب میں رہ جائیں گے۔سینیٹ الیکشن میں تحریک انصاف اور اتحادی ہی کامیاب ہونگے۔پی ڈی ایم جتنے مرضی جلسے جلوس لانگ مارچ۔ کرے عمران خان پانچ سال پورے کرے گا ۔مولانا فضل الرحمان کو بھی سمجھ آگئی ہے اس لیے ان کے بیانات میں تبدیلی دیکھی ہے۔دوسری جانب مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ نااہل اور سلیکٹڈ حکومت ملک اورعوام پر بوجھ بن چکی ہے،پٹرو لیم مصنوعا ت کی قیمتو ں میں آئے روز اضا فہ کرکے نااہل حکمرانو ں نے عوام کو ذہنی مریض بنا دیا ، آ ٹا مہنگا ، گھی مہنگا ، چینی مہنگی اور پٹرو ل مہنگاکر کے نااہل حکومت عوام سے جینے کاحق چھیننا چاہتی ہے۔ اپنے بیان میں انہو ں نے کہاکہ سلیکٹڈ نااہل حکومت کاپیٹرو لیم مصنوعا ت کی قیمتو ں میں اضا فہ کر نا عوام پر ڈرون حملے سے کم نہیں ہے پیٹرو لیم مصنوعا ت کی قیمتو ں میں اضا فہ کسی صورت قا بل قبو ل نہیں پاکستان مسلم لیگ عوام کے حقو ق کی جنگ لڑتے ہو ئے عوا م پر ہو نے والے ظلم کیخلا ف آواز بلند کر تی رہے گی۔ انہوں نے کہاکہ نااہل حکومت اپنی نااہلی چھپانے کیلئے سا بق حکمرانو ں پر تنقید کرنے کی بجائے عوام کو حقیقی ریلیف فراہم کرے چور چور کی ر ٹ چھو ڑ کر حکمران بتا ئیں انہو ں نے عوام کو مہنگائی اور بے روز گار ی کے تحفو ں کے علاوہ کیا دیا ہے؟۔
