اسلام آباد، کراچی (اے پی پی، این این آئی )محکمہ موسمیات کے مطابق آئندہ چوبیس گھنٹوں کے دوران ملک کے بیشترعلاقوں میں موسم سرد اور خشک جبکہ بالائی خیبر پختونخوا، کشمیر ،گلگت بلتستان اورشمالی بلوچستان میں شدید سرد رہے گا تاہم رات کے اوقات میں بالائی خیبر پختونخوا،

گلگت بلتستان اور کشمیرمیں مطلع جزوی ابرآلود رہنے کے ساتھ ہلکی بارش/ برفباری کی توقع ہے۔گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ بالائی علاقوں اور شمالی بلوچستان میں شدید سردرہا ہے۔ اتوار کو ریکارڈکییگئیکم سیکم درجہ حرارت کی رپورٹ کے مطابق لہہ میں درجہ حرارت منفی 14 ،استورمنفی12، اسکردو ، اننت ناگ منفی 10، گوپس، سری نگر منفی 9،کالام، ہنزہ منفی 7، گلگت اوربگروٹ میں منفی 6ڈگری سینٹی گریڈریکارڈ کیا گیاہے۔دریں اثنا محکمہ موسمیات نے کراچی کے حوالے سے اپنی پیش گوئی میں کہا ہے کہ شہرِ قائد میں رواں سال موسمِ سرما طویل ہونے کا امکان ہے۔ترجمان محکمہ موسمیات خالد ملک کے مطابق فروری میں موسم سرد رہنے کا امکان ہے۔انہوں نے کہا کہ کراچی میں فروری میں بارش ہو گی یا نہیں، یہ کہنا قبل از وقت ہے۔ترجمان محکمہ موسمیات کا مزید کہنا ہے کہ شہر میں آئندہ ماہ کم سے کم درجہ حرارت 10 ڈگری رہ سکتا ہے۔انہوں نے یہ بھی بتایا ہے کہ 15 سے 28 فروری کے دوران مغربی سسٹم شمالی اور وسطی پاکستان پر اثر انداز ہو سکتا ہے۔