لاہور ( این این آئی )ماڈل ٹائون میں ڈاکوئوں نے مسلم لیگ (ن) کے صدر شہباز شریف کے پڑوسی کے گھر سے ایک کروڑ 10لاکھ روپے مالیت کے زیورات ،28لاکھ روپے نقدی اور 11موبائل فونز لوٹ لئے ۔
ڈاکوئوںنے مزاحمت پرگھر کے مالک ڈاکٹر عرفان کو کو زخمی کر د یا اور جاتے ہوئے گھر میں کھڑی گاڑی بھی لے اڑے۔ بتایا گیا ہے کہ ماڈل ٹائون کے علاقہ 88ایچ بلاک میں مسلح ڈاکو ڈاکٹر عرفان کے گھر میں داخل ہوئے اور اہل خانہ کو یرغمال بنا کر ایک کروڑ 10لاکھ روپے مالیت کے طلائی زیورات،28لاکھ روپے نقدی اور 11قیمتی موبائل فونز چھین لئے ۔ ڈاکوئوں نے مزاحمت کرنے پر بٹ مار کر ڈاکٹر عرفان کو زخمی کر دیا ۔ واردات کے بعد ڈاکو گھر میں کھڑی گاڑی میں سوار ہو کر فرار ہو گئے ۔ اطلاع ملنے پر پولیس موقع پر پہنچ گئی جس نے شواہد اکٹھے کرنے کے بعد ڈاکوئوں کی تلاش شروع کر دی ہے۔
