اسلام آباد (مانیٹرنگ ڈیسک )پی ٹی آئی کے باغی گروپ نے سینٹ الیکشن میں اپنا امیدوار اتارنے کا اشارہ دیدیا ۔نجی ٹی وی کی رپورٹ کے مطابق ہم خیال گروپ کے رکن اسمبلی خواجہ دائود سلیمانی کی قیادت میں ہم خیال گروپ نے سینٹ الیکشن میں اپنا امیدوار لانے کا اشارہ دیا ہے
ان کا کہنا تھا کہ ہمارا مقصد پارٹی کو دھوکہ نہیں کریں گے اور کسی دوسری جماعت سے بھی اتحاد کسی صورت نہیںکریں گے ۔ اگرہمارے مطالبات منظور نہ ہوئے تو استعفے متفقہ دیں گےاور سینیٹ الیکشن میں امیداور بھی لائیں گے۔قبل ازیں وفاق اور تین صوبوں میں حکمراں جماعت پاکستان تحریک انصاف کے ناراض اراکین نے وزیراعلیٰ پنجاب کو صوبائی اسمبلی سے مستعفی ہونے کی دھمکی دے دی ہے۔پنجاب میں وزیراعلیٰ اور پارٹی اراکین کے درمیان اختلافات شدت اختیار کر گئے ہیں۔ ناراض اراکین کا کہنا ہے کہ ان کے مطالبات پورے نہیں کیے جا رہے، سینیٹ الیکشن میں حصہ نہیں لیں گے۔انہوں نے کہا کہ جلد اپنی میٹنگ بلا کر اگلا لائحہ عمل طے کریں گے۔ ناراض پی ٹی آئی رہنماؤں میں شہاب الدین، ملک غضنفر چھینہ، تیمورلالی، مامون تارڑ، فیصل فاروق چیمہ، اعجازخان، گلریز افضل چن، غضنفرعباس، خواجہ داؤد بندیشہ، محی الدین کھوسہ اور عامر عنایت شہانی سمیت دیگر شامل ہیں۔
