اسلام آباد (مانیٹرنگ ڈیسک) اس ملک میں سب سے زیادہ این آر او عمران خان کو ملے ہیں، اس بات کا انکشاف معروف صحافی سلیم صافی نے ایک نجی ٹی وی چینل کے پروگرام میں کیا، معروف صحافی سے نجی ٹی وی چینل کی اینکر نے سوال کیا کہ فارن فنڈنگ کا کیس ہے اور اپوزیشن جماعتوں کو کھاتوں سمیت بلا لیا گیا ہے، 2014 سے

اب تک یہ معاملہ حل نہ ہو سکا کیا یہ اونٹ بھی کسی کروٹ بیٹھے گا یا یہ بھی کوئی براڈ شیٹ کا کوئی نتیجہ دکھائے گا، جس کے جواب میں معروف صحافی نے کہا کہ اس ملک میں سب سے زیادہ کسی بندے کو این آر اوز ملے ہوئے ہیں تو وہ عمران خان ہیں، آپ دیکھیں ان کے گھر کے معاملے پر ان کو این آر او ملا، ان کے اہل خانہ کے معاملے پر انہیں این آر او ملا، اسی کیس کو جب سپریم کورٹ میں لے جایا گیا تو وہ جو بابا رحمتے ہیں جوہمارے لئے ڈیم بنا رہے تھے اپنے کام چھوڑ کر تو انہوں نے ان کو این آر او دیا نہ صرف این آر او دیا بلکہ اس کیس کو ادھر لے جانے پر حنیف عباسی کو بدترین سزا دے دی گئی اور الیکشن سے چند دن پہلے لیٹ نائٹ تک عدالت لگا کر انہیں اندر کیا گیا اور مختلف جیلوں میں پھرایا گیا تو ان کو تو سزا دے دی گئی، اب اس کیس کو چھ سال ہو گئے ہیں، سلیم صافی نے کہا کہ یہ بندہ سادہ تابعدار نہیں ہے یہ بڑا ہوشیار ہے، دوسری پارٹیوں کو اس کے ساتھ کلپ کرنا چاہتے ہیں حالانکہ یہاں پھر میں مثال دوں گا کہ جب پانامہ کا کیس آیا تو لوگ کہتے تھے کہ سب کو کر لیں لیکن اس وقت عمران خان نے تجویز دی کہ کیونکہ نواز شریف وزیراعظم ہے تو سب سے پہلے ان کا معاملہ دیکھنا چاہیے۔