لاہور (آن لائن) رواں سال یکم جنوری 2021ء کو تبدیل کئے جانے والے سابق سی سی پی او لاہور عمر شیخ نے اپنے تبادلے کے بعد 23 روز گزرجانے کے باوجود تاحال سی سی پی او ہائوس خالی نہیں کیا۔ جس کے باعث نئے سی سی پی او لاہور غلام محمود ڈوگر اپنی سرکاری رہائش گاہ میں

تاحال منتقل نہیں ہوسکے۔ پولیس ذرائع کے مطابق عمر شیخ نے بطور سی سی پی او لاہور تعیناتی کے دوران سی سی پی او ہائوس میں بھاری اخراجات کے عوض گھر کی تزئین و آرائش کی تھی لیکن عہدہ چھوڑنے کے باوجود انہوں نے ابھی تک سرکاری گھر نہیں چھوڑا۔