اسلام آباد(مانیٹرنگ ڈیسک)پی ٹی آئی کے سوشل میڈیا پر موجود سرکردہ لوگ آپس میں لڑ پڑے ، جیو نیوز کے مطابق سوشل میڈیا پر ارسلان نامی شخص نے ایک بیان جاری کیا ہے جس میں وہ کہہ رہے ہیں کہ ”ابھی میں آدھا سچ بتانے لگا ہوں اس کے بعد جو اگلا ٹوئٹ ہوگا وہ پورا سچ ہوگا”،
پی ٹی آئی کے نوٹیفکیشن کے مطابق ان کا اصل نام ارسلان مشتاق ہے اور وہ پی ٹی آئی سوشل میڈیا برطانیہ کے ڈپٹی لیڈر مقرر ہیں جبکہ سوشل میڈیا پران کے ارسلان بلوچ سمیت کئی کئی فیک اکائونٹس ہیں،جاری کردہ ویڈیو میں ارسلان جس شخص کا نام پکارتے ہیں وہ ہیں اظہر مشوانی ، اظہر مشوانی تحریک انصاف سوشل میڈیا کے اہم کارکن تھے ، اس کے علاوہ وزیر اعلیٰ پنجاب عثمان بزدار کے ڈیجیٹل میڈیا کے فوکل پرسن بھی تھے ۔ ارسلان کو ویڈیو میں یہ کہتے ہوئے سنا جاسکتا ہے ”وہ لاریب وہ جو بھی ہے۔۔۔وہ منتیں نہیں کرتے رہے کہ مجھے گروپ میں ایڈ کرائو، مجھ سے ری ٹوئٹ لیتے رہے ہوم،مجھے مسیج کرتے رہے ہو کہ مریم نوازنے۔۔۔اس ویڈیو کو پھیلا دو۔۔میں تمہیں ایکسپوز کرونگا،اس ساری لڑائی میں وہ سب ثابت ہوگیاجس کا کئی عرصے سے سوشل میڈیا پر چرچا تھایعنی فیک سوشل میڈیا اکائونٹس، فیک سوشل میڈیا کمپینز وغیرہ جس کے ذریعے لوگوں کو نشانہ بنایا جاتا ہے، پی ٹی آئی پنجاب اور پی ٹی آئی یورپ کے درمیان سامنے آنے والی لڑائی میں جہاں ایک دوسرے کے فیک اکائونٹس ، فیک کمپین سامنے آئیں بلکہ سرکاری اکائونٹس سے بھی انہیں ر ی ٹوئٹس وغیرہ کرنے کے ریکارڈز بھی سامنے آچکے ہیں ۔
