اسلام آباد(مانیٹرنگ ڈیسک، آن لائن)سپریم کورٹ نے پی پی 126 جھنگ سے ن لیگی امیدوار یعقوب شیخ کی نااہلی ختم کردی، عدالت نے کہاکہ یعقوب شیخ آئندہ انتخابات لڑ سکتے ہیں۔نجی ٹی وی کے مطابق دوران سماعت وکیل درخواست گزار نے کہاکہ شیخ یعقوب کو بینک ڈیفالٹر ہونے

کی بنیاد پر نااہل کیا گیا تھا، جسٹس عمر عطا بندیال نے کہاکہ دیکھنا ہو گا جو قرضہ ختم ہوا اس کی نوعیت کیا تھی؟وکیل نے کہاکہ محمد یعقوب شیخ ابراہیم سنز کمپنی کے سی ای او اور اکثریتی شیئرہولڈر تھے،عدالت نے کہاکہ نجی بینک اور یعقوب شیخ میں قرض کی سیٹلمنٹ ہوئی،نجی بینک سے سیٹلمنٹ کسی دبائو کے نتیجے میں ہوتی نظر نہیں آتی،یعقوب شیخ کے راستے میں سیٹلمنٹ رکاوٹ نہیں ہوگی۔دوسری جانب پی ڈی ایم آج الیکشن کمیشن کے سامنے احتجاج کرنے جارہی ہے ، مختلف شہروں سے ن لیگ ،پیپلزپارٹی اور دیگر اپوزیشن جماعتوں کے قافلے اسلام آباد کی جانب گامزن ہیں ، ادھروزیر داخلہ شیخ رشید احمد نے سیکرٹری داخلہ یوسف نسیم کھوکھر کے ہمراہ مانیٹرنگ سیل کا فوری دورہ کیا اور جائزہ لینے کے ساتھ ضروری ہدایات بھی دیں،وزیر داخلہ نے کہا کہ اسلام آباد کے داخلی و خارجی راستوں پر کیمروں کی مدد سے زیرک جائزہ لیا جائے اور شر پسند عناصر پر نظر رکھی جائے،کوئیک ریسپانس فورس کو بھی سٹینڈ بائی کر دیا گیا،نادرہ اور آئی ٹی کی ماہر ٹیموں کو بھی وزارت داخلہ بلوا لیا گیا،شیخ رشید احمد نے کہا کہ پہلی بار کسی روک ٹوک کے بغیر احتجاج کی اجازت دی گئی ہے،امید ہے پی ڈی ایم بھی پر امن احتجاج کرے گی۔