لاہور(نیوز ڈیسک)ٹینس سیزن کے تیسرے گرینڈ سلام ومبلڈن میں سرینا ولیمز اور گاربین موگوروزا نے فائنل میں جگہ بنا لی ہے جبکہ روسی حسینہ ماریہ شراپوا کو شکست کو سامنا ہوا ہے۔ مینز سنگلز میں آج راجر فیڈرر اور اینڈی مرے سیمی فائنل میں ٹکرائیں گے۔ گراس کورٹ پر جاری مقابلوں میں امریکا کی عالمی نمبر ایک اور ٹاپ سیڈ سرینا ولیمز نے روس کی ماریا شراپووا کو آسان مقابلے میں شکست دی۔ انہوں نے 6-2 اور 6-4 سے فائنل میں جگہ بنائی۔ دوسرے سیمی فائنل میں سپین کی ٹوئنٹی سیڈڈ گاربین موگوروزا نے پولینڈ کی تھرٹین سیڈڈ اگنسزکا رڈوانسکا کو زیر کیا۔ ان کا سکور 6-2، 3-6 او6-3 رہا۔ آج مینز سیمی فائنل میں سوئٹزرلینڈ کے سیکنڈ سیڈ راجر فیڈرر برطانیہ کے تھرڈ سیڈ اینڈی مرے کے مدمقابل ہوں گے۔ دوسرا سیمی فائنل سربیا کے عالمی نمبر ایک نوواک جاکووچ اورفرانس کے رچرڈ گیسکے کے درمیان ہوگا