ڈیلس(نیوزڈیسک)سابق وزیر داخلہ سندھ ڈاکٹر ذوالفقار مرزا کا کہنا ہے کہ آصف زرداری سے میرا جھگڑا شوگر ملز پر نہیں بلکہ یہ جھگڑا میری ماں(سندھ) سے متعلق ہے جس کو وہ ٹکڑے کرکے فروخت کر رہا ہے ۔ یہی وجہ ہے کہ میں نے 45 سالہ دوستی ماں کو بچانے کی خاطر قربان کردی‘آصف زرداری کیلئے صولت مرزابن سکتاہوں‘ چوروں کے خلاف اسٹیبلشمنٹ کی مددکرنے پر کوئی عارمحسوس نہیں ہوگی جبکہ ان کی اہلیہ اور قومی اسمبلی کی سابق اسپیکر ڈاکٹرفہمیدہ مرزانے کہاہے کہ سندھ میں صحت و تعلیم کے مسائل ختم نہیں ہو رہے ہیں‘ کرپشن انتہاکو پہنچ گئی ہے‘گورننس بہترنہ کی گئی توپیپلزپارٹی کو مزیدنقصان ہوگا ۔ایک نجی ٹی وی سے گفتگوکرتے ہوئے انہوں نے کہاکہ
کرتے ہوئےکیا‘ڈاکٹرذوالفقارمرزانے کہا کہ میرا جھگڑا ایم کیو ایم کی وجہ سے شروع ہوا کیونکہ بحیثیت وزیر میں قاتلوں اور مجرموں کو وہ سہولتیں نہ دے سکا جس کا مجھ سے مطالبہ کیا جارہا تھا ، یہ کہنا غلط ہے کہ میں اسٹیبلشمنٹ کاآلہ کار بنا ہوا ہوں‘ میں کبھی ڈی جی رینجر سندھ سے ملا ہوں اور نہ ہی فون پر بات ہوئی ہے ۔ جنگ / جیو نیوز کی جانب سے مسلسل اسٹیبلشمنٹ سے تعلقات کے سوال پر وہ چراغ پا ہوئے اور کہا کہ آپ میرے منہ میں الفاظ ڈالنا چاہ رہے ہیں اگر یہ بھی ہے تو مجھے منظور ہے کیونکہ ان چوروں کے خلاف مجھے اسٹیبلشمنٹ کی مدد کرتے ہوئے کوئی شرم محسوس نہیں ہوگی‘پورے پاکستان کے مقابلہ میں کرپشن سندھ میں زیادہ ہوئی ہے اور اگر اسٹیبلشمنٹ کا ٹارگٹ سندھ ہے تو یہ اچھا اقدام ہے ‘جو کچھ آصف زرداری سے متعلق مجھے معلوم ہے وہ نہ شائع ہو سکتا ہے اور نہ ٹی وی پر چل سکتا ہے ‘اسٹیبلشمنٹ کے پاس آصف زرداری سے متعلق اتنا مواد ہے کہ اگر وہ چاہیں تو اسکو ایک ہفتہ میں لٹکا سکتے ہیں‘آصف زرداری نے 12 سے زائد قتل کرائے جسکے ثبوت میرے پاس ہیں‘ان سے جب پوچھا گیا کہ وہ کون شخص ہے جو زرداری کیلئےصولت مرزا بن سکتا ہے تو انہوں نے اپنی طرف اشارہ کرتے ہوئے کہا کہ میں ہوں جو اسکے لئے صولت مرزا بن سکتا ہوں‘بینظیر بھٹو اور میر مرتضیٰ بھٹو کے قتل میں آصف زرداری ملوث نہیں ‘ ‘انہوں نے کہا کہ آصف زرداری نیویارک میں تنہائی کا شکار تھا تو اس دوران تنویر زمانی سے ان کا افیئرچلا‘ہمیں بھی اخبارات سے اس بات کا پتہ چلا۔جنگ سے گفتگو کرتے ڈاکٹرفہمیدہ مرزانے کہاکہ آصف زرداری اور ذوالفقار مرزا کو تنازعات نمٹانے کیلئے خود فیصلہ کرنا ہوگا‘میں اس کا حصہ بنناپسندنہیں کروں گی‘اگر آج ڈاکٹرذوالفقار کچھ کہہ رہے ہیں وہ بھی گورننس کے حوالے سےہے‘عوام نے پہلے ہمیں 5سال دیئے اور اب ڈھائی سال کاعرصہ گزر چکا ہے‘ سندھ میں صحت و تعلیم کے مسائل ختم نہیں ہو رہے ہیں کرپشن انتہاکو پہنچ گئی ہے‘انہو ں نے کہاکہ بحیثیت ایک بیوی کے اگرمیرے شوہر کی زندگی پر کوئی بات آئے گی تو میں ان کے ساتھ ہوں گی۔ انہوں نے ایک سوال کے جواب میں کہاکہ نہ صرف سندھ بلکہ پورے پاکستان میں دینی مدارس کی بھرمار ہے جس کے لئے ضروری ہے کہ اس صورتحال پر کنٹرول کیاجائے۔