پشاور(این این آئی)خیبرپختونخوا پولیس نے پشتون تحفظ موومنٹ (پی ٹی ایم) کے مرکزی رہنما ڈاکٹر سید عالم محسود کو پشاور سے گرفتار کرلیا گیا۔ پولیس نے ڈاکٹر سید عالم محسود کو پشاور کے علاقے حیات آباد میں ان کی رہائش گاہ سے گرفتار کیا۔پولیس کے مطابق عالم محسود کو
پاکستان اور سیکورٹی فورسز کے خلاف توہین آمیز اور اشتعال انگیز تقاریر پر گرفتار کیا گیا۔واضح رہے کہ ڈاکٹر سید عالم محسود نے ایم این اے علی وزیر کی رہائی کے لیے توہین آمیز تقاریر کی تھیں۔دوسری جانب پی ٹی ایم رہنما کی گرفتاری کی ویڈیو سوشل میڈیا پر وائرل ہوگئی ہے۔
