کرائسٹ چرچ (آن لائن ) پاکستان اور نیوزی لینڈ کے درمیان دوسرے ٹیسٹ کے پہلے روز پاکستانی ٹیم 297 رنز بنا کر آؤٹ ہوگئی۔ قومی ٹیم کی جانب سے پہلی اننگز میں اظہرعلی نے 93، محمد رضوان نے 61، فہیم اشرف نے 48 جبکہ ظفرگوہر نے

34 رنز بنائے۔ 9 کھلاڑیوں کے آؤٹ ہونے پر محمد عباس اور نسیم شاہ وکٹ پر موجود تھے اور دونوں ٹیل اینڈرز کے درمیان ہونے والی دلچسپ گفتگو سوشل میڈیا پر وائرل ہوگئی۔ نسیم شاہ 82 ویں اوور کے اختتام پر سٹرائیکر اینڈ پر موجود محمد عباس سے کہتے ہیں کہ’’عباس بھائی! آپ کو پتہ ہے کہ ساری ذمہ داری مجھ پر ہے، سنگل کرنا ہے ورنہ ڈانٹ پڑجائے گی‘۔ نسیم شاہ کی بات پر محمد عباس کی ہنسنے کی آواز بھی سنائی دیتی ہے۔یاد رہے کہ اس میچ میں محمد عباس کو ہدایات دینے والے نسیم شاہ 12 رنز پر بولٹ کے ہاتھوں آؤٹ ہوگئے اور اس طرح پوری پاکستانی ٹیم 297 رنز پر ڈھیر ہوگئی۔