راولپنڈی (مانیٹرنگ ڈیسک) نیو ایئر نائٹ منانے کے لئے سیاح بڑی تعداد میں مری پہنچ گئے اور آمد کا یہ سلسلہ جاری ہے، ترجمان ٹریفک پولیس کا کہنا ہے کہ اب تک بیس ہزار سے زائد گاڑیاں مری میں داخل ہو چکی ہیں، سیاحوں کی سہولت کے لئے پولیس کی اضافی نفری بھی تعینات کر دی گئی ہے،
پولیس نے سیاحوں سے اپنی گاڑیاں مناسب جگہ پر پارک کرنے کا کہاہے، ڈبل پارکنگ سے گریز کرنے کا کہا گیا ہے، سیاح کورونا کی پرواہ کئے بغیر نیو ائیر نائٹ منانے کے لئے مری پہنچ گئے ہیں۔مری میں اس وقت ٹریفک جام ہے، بعض سیاح ابھی مری سے کچھ فاصلے پرٹریفک میں پھنسے ہوئے ہیں۔
