کراچی(این این آئی)کراچی کے علاقے گلشن اقبال میں پارسل پہنچانے کا کام کرنیوالے بہادر موٹر سائیکل سوار نے ڈکیتی کیلیے آنیوالے ڈاکوئوں کو قابو کر کے موبائل چھیننے کی کوشش ناکام بنا کر انھیں بھاگنے پر مجبور کر دیا جب کہ واقعے کی فوٹیج سوشل میڈیا پر وائرل ہوگئی۔

لشن اقبال میں شاہد حسین نامی موٹر سائیکل رائیڈر ایک گھر پر پارسل پہنچانے کے لیے آیا تو تعاقب میں آنے والے 2 موٹر سائیکل سوار ڈاکوں نے اسے اسلحے کے زور پر یرغمال بنا کر موبائل فون اور نقدی چھیننے کی کوشش کی تو اس دوران شاہد حسین نے مزاحمت کرتے ہوئے دونوں ڈاکوئوں کو قابو کر کے اسلحہ چھین لیا جس کے بعد دونوں ڈاکو موقع سے جان بچا کر بھاگ گئے جبکہ ڈاکوئوں سے چھینے جانے والا اسلحہ پولیس کے حوالے کر دیا گیا۔شاہد حسین نے بتایاکہ ڈاکوئوں کی عمریں کم تھیں چاہتا تو ان پر فائرنگ کر سکتا تھا لیکن میں نے ایسا کرنے سے گریز کیا۔