بیجنگ(مانیٹرنگ ڈیسک) چین نے پاکستان کی ہر مشکل وقت میں مدد کی ہے اور کبھی پاکستان کو اکیلا نہیں چھوڑا، چین اب پاکستان کو پچاس مسلح ونگ لونگ ٹو ڈرون طیارے دینے جا رہا ہے جس پر بھارت پریشانی میں مبتلا ہو گیا ہے،

ہندوستان ٹائمز نے اپنی رپورٹ میں کہا ہے کہ پاکستان کو چین پچاس مسلح ونگ لونگ II ڈرون طیارے دینے جا رہا ہے، ان طیاروں کے مطابق چینی میڈیا کا کہنا ہے کہ یہ طیارے مقبوضہ کشمیر جیسے سطح سمندر سے زیادہ بلند علاقوں میں بھارت کی زمینی فارمیشنز کے لیے ایک ڈراؤنا خواب ثابت ہو سکتے ہیں، اس کی وجہ چینی میڈیا نے یہ بتائی کہ ان ڈرون طیاروں کے حملے کا جواب دینے کیلئے فی الوقت بھارت کے پاس صلاحیت موجود نہیں ہے۔چینی میڈیا کے مطابق اگر اتنی بڑی تعداد میں پاکستان کی جانب سے بھارتی حدود میں ڈرون طیارے داخل ہوتے ہیں تو بھارتی فوج کی زمینی فارمیشنز اس حملے کو روکنے میں ناکام ہو جائیں گی۔