لاہور (این این آئی) سکولوں کے نان سیلری بجٹ میں لاکھوں روپے کے گھپلے سامنے آگئے، ڈسٹرکٹ ایجوکیشن اتھارٹی لاہور نے سکولوں کے نان سیلری بجٹ کا آڈٹ کروانے کا فیصلہ کرلیا۔تفصیلات کے مطابق سکولوں کے نان سیلری بجٹ میں لاکھوں روپے کے گھپلوں کا انکشاف ہوا ہے۔ ڈسٹرکٹ ایجوکیشن اتھارٹی لاہور نے سکولوں کے نان سیلری بجٹ کا آڈٹ
کروانے کا فیصلہ کرلیا۔ نان سیلری بجٹ کا آڈٹ گزشتہ تین سالوں کا کیا جائے گا۔ ذرائع کے مطابق زیادہ تر سکول سربراہان کے پاس نان سیلری بجٹ کے جمع اور خرچ کا حساب بھی موجود نہیں ہے۔ایجوکیشن اتھارٹی نے نان سیلری بجٹ کے آڈٹ کیلئے تین رکنی کمیٹی بنادی گئی۔ مذکورہ تین رکنی کمیٹی سکولوں میں جاکر این ایس بی کا ریکارڈ چیک کریں گی۔
