اسلام آباد (آن لائن)25دسمبر کویوم قائد،کرسمس پر عام تعطیل وفاقی ملازمین تین جبکہ صوبائی ملازمین دو چھٹیاں کریں گے،صوبائی محکموں کے بیشترملازمین ایک یوم کی درخواست رخصتی گزار کر تین یوم گھروں پر گزاریں گے۔

تفصیلات کے مطابق25دسمبر جمعہ کو یوم قائد اعظم اور کرسمس ڈے کی مناسبت سے عام تعطیل ہو گی اس روز تمام سرکاری و غیر سرکاری ادارے،بینک،سٹاک ایکسچینج،چیمبرز آف کامرس اور دیگر مالیاتی ادارے بند رہیں گے۔25دسمبر بروز جمعہ حکومت کی جانب سے چھٹی ہو گی جبکہ26،27دسمبر ہفتہ اور اتوار کو وفاقی ملازمین کی چھٹی ہوگی اس طرح وفاقی ملازمین تین چھٹیاں گزاریں گے جبکہ صوبائی محکموں کے بیشتر ملازمین ہفتہ کی اتفاقیہ رخصت کی د رخواست گزار کر اور اتوار کی چھٹی ملا کر تین دن کی چھٹیاں گھروں میں گزاریں گے،وفاقی محکمے ،بینک ،مالیاتی ادارے بھی25دسمبر سے27دسمبر تک بند رہیں گے اور28دسمبرپیر کو دوبارہ کھلیں گے۔

موضوعات:چھٹیاں