لاہور(نیوز ڈیسک) نواز شریف کا ملک مخالف بیانیہ قبول نہیں، لیگی رہنماؤں نے ن لیگ کو خیرباد کہہ کر تحریک انصاف میں شمولیت اختیار کر لی، لیگی رہنماؤں کے تحریک انصاف میں شمولیت ن لیگ کے قائد میاں نواز شریف اور نائب صدر مریم نواز
کے بیانیے کیلئے بڑا جھٹکا ہے، سرگودھا کے علاقے کوٹ مومن کی اعوان برادری نے ن لیگ کو خیرآبادکہتے ہوئے تحریک انصاف میں شمولیت اختیار کر لی ہے، ذرائع کے مطابق سرگودھا کی اعوان برادری کے ملک آصف اعوان اور ملک ظہیر اعوان نے ن لیگ کو چھوڑ کر تحریک انصاف میں شامل ہونے کا اعلان کر دیا ہے، ملک مظہر اعوان اپنے درجنوں ساتھیوں سمیت تحریک انصاف کا حصہ بن گئے ہیں، تحریک انصاف کے ضلعی صدر کے مطابق ن لیگ کے پاکستان مخالف بیانیے کی وجہ سے اعوان برادری نے انہیں چھوڑ کر تحریک انصاف میں شامل ہونے کا فیصلہ کیا ہے۔
