جہانیاں(آن لائن) نئے سال2021ء میں ایک پریشانی ختم ہو جائے گی ،سرکاری دستاویزات پر تاریخ لکھتے وقت سال مکمل لکھنے کے بجائے صرف21ء لکھا جا سکے گا۔تفصیل کے مطابق ماہرین کا کہنا کہ پوراسال2020ء میں تاریخ لکھتے وقت احتیاط کی جاتی رہی ہے اور اسے مکمل شکل میں لکھا جاتا رہا ہے

جیسے مکمل تاریخ 31-01-2020لکھنے کیلئے اسے نامکمل تاریخ 31-01-20کے بجائے سال2020ء مکمل لکھا جاتا رہا ہے جیسے اس سے قبل سال18یا19لکھا جاتا تھا لیکن سال2020ء میں ایسا ممکن نہ تھا ۔کیونکہ کوئی بھی اپنی سہولت کیلئے تاریخ کسی بھی وقت تبدیل کر سکتا تھا اگر صرف20کے آگے18یا19لکھ دے تو وہ 2018ء یا 2019ء بن سکتا تھا ۔زمین ،جائیداد یا کسی بھی لین دین کا معاہدہ کرتے وقت سرکاری کاغذات میں تاریخ لکھتے وقت احتیاط ملحوظ رکھی گئی اور پوری تاریخ اورسال2020ء مکمل لکھا جاتا رہا یہ مسئلہ صرف ایک ہی برس یعنی2020ء میں پیش آیا جبکہ نئے سال2021ء میں یہ پریشانی ختم ہو جائے گی اور سرکاری و دیگر دستاویزات پر تاریخ کے ساتھ سال مختصر کرکے21ء لکھا جا سکے گا۔