لاہور( این این آئی)پاکستان تحریک انصاف کی اسٹینڈنگ کمیٹی اکائونٹبیلٹی اینڈ ڈسپلن نے پارٹی آئین کی خلاف ورزی پر پارٹی کے دو رہنمائوں کی رکنیت معطل کر دی جبکہ سپورٹس کلچر ل فورم، پاکستان انصاف سپورٹس فیڈریشن اورانصاف سپورٹس کلچر ل فیڈریش پر پابندی بھی عائد کر دی گئی ۔ڈسپلن کمیٹی نے جنرل سیکرٹری کلچر ل ونگ جلال حیدر کی درخواست
پر کاروائی کرتے ہوئے میاں جاوید علی اور عمر خیام کی ایک سال کے لئے پارٹی رکنیت معطل کی ۔ دونوں پر بغیر اجازت غیر قانونی نوٹیفکیشن جاری کرنے کے الزامات ہیں۔ دونوں رہنمائوں نے ملک و بیرون ملک سپورٹس ، کلچرنگ ونگ کے ذریعے جعلی تشہیر کی ۔دونوں کو نوٹسز جاری کئے گئے مگر موقف دینے کیلئے پیش نہ ہوئے ۔
