لاہور (پ ر )وزیراعلیٰ پنجاب سردار عثمان بزدارنے ماضی کی معروف اداکارہ فردوس بیگم کے ا نتقال پر دکھ او رافسوس کا اظہارکیا ہے۔وزیراعلیٰ عثمان بزدارنے سوگوار خاندان سے دلی ہمدردی و اظہار تعزیت کرتے ہوئے دعا کی کہ اللہ تعالیٰ مرحومہ کی روح کو جوار رحمت میں
جگہ دے اور لواحقین کو صبر جمیل عطافرمائے۔وزیراعلیٰ عثمان بزدارنے کہا کہ فردوس بیگم نے پاکستان فلم انڈسٹری پر راج کیا۔فردوس بیگم کی فلم”ہیر رانجھا“ آج بھی پرستاروں کے دلوں پر نقش ہے۔فردوس بیگم کے انتقال سے فلم انڈسٹری ایک خوبصورت اورمنجھی ہوئی اداکارہ سے محروم ہوگیاہے۔
