لاہور(این این آئی)مسلم لیگ (ن) کے رہنما چودھری شیر علی نے رانا ثنا اللہ کے خلاف ایک بار پھر محاذ کھولتے ہوئے کہا ہے کہ وہ مینار پاکستان جلسے میں کارکنوں کی ایک بس بھی لے کر نہیں جا سکے۔نجی ٹی وی کے مطابق ایک بیان میں انہوں نے کہا کہ مینار پاکستان جلسہ ناکام بنانے کی سازش کرنے والے (ن)لیگ کے دشمن ہیں، رانا ثنا اللہ اور ان کی ٹیم ایک بس بھی لاہور لے کر نہ
جا سکی۔چودھری شیر علی کا کہنا تھا کہ ماضی میں ہم تین، تین سو بسوں کے قافلے لے کر جاتے رہے،ہزاروں کارکن لاہور جانے کے لئے ٹرانسپوٹ ڈھونڈتے رہے لیکن انہیں رکن قومی اسمبلی یا صوبائی اسمبلی نے لفٹ نہیں کروائی۔انہوں نے رانا ثنا اللہ کو تنقید کا نشانہ بناتے ہوئے کہا کہ چیدہ چیدہ پارٹی عہدیدار اور ورکر لاہور جا کر سوشل میڈیا پر تصویری نمائش کرتے رہے۔
