پشاور (این این آئی)سابق ڈپٹی اسپیکر قومی اسمبلی فیصل کریم کنڈی نے کہا ہے کہ کاش عمران خان آج پشاور میں سانحہ اے پی ایس کے متاثرین سے ملتے۔ اپنے بیان میں انہوں نے کہاکہ خیبر پختون خوا آج سوگ منا رہا تھا اور ظالم تفریح کر رہا تھا،خیبر پختون خوا کے عوام عمران خان کے دیئے
ہوئے زخم نہیں بھولے گا۔ انہوں نے کہاکہ عمران خان نے جس منصوبے کا افتتاح کیا ساڑھے سات سال پرانا ہے،سونامی سرکار نے ساڑھے سات سال فنڈز دبائے رکھے۔ انہوں نے کہاکہ اپنے ذاتی ہسپتال کی کمائی کیلئے ہسپتال بند رکھا گیا، عمران خان کو معلوم ہے کہ وہ جانے والے ہیں۔
