اسلام آباد(مانیٹرنگ ڈیسک )پشاور میں قیام امن تک شہر بھر میں دفعہ 144کا نفاذ ۔ شہریوں پر موٹر سائیکل پر ڈبل سواری اور اسلحہ کی نمائش پر پابندی عائد ۔ تفصیلات کے مطابق ڈی سی پشاور نے کہا ہے کہ دفعہ 144شہر میں سیکیورٹی کے پیش نظر اور

امن و امان کے قیام کیلئے نافذ کی گئی ہے ۔ جبکہ اس حوالے سے مکمل تفصیلات سامنے نہیں آ سکیں ہیں اس پابندی کا نفاذ کب تک رہے گا ۔نجی ٹی وی کی رپورٹ کے مطابق ڈپٹی کمشنر نے کہا ہے کہ دفعہ144 کے تحت پشاور میں موٹر سائیکل کی ڈبل سواری پر پابندی کے علاوہ اسلحہ کی نمائش بھی سختی سے ممنوع ہوگی، خلاف ورزی کرنے والوں کیخلاف سخت قانونی کارروائی کی جائے گی۔ڈپٹی کمشنر کا مزید کہنا ہے کہ اس کے علاوہ سیکیورٹی صورتحال کے پیش نظر پشاور میں افغان مہاجرین کی نقل وحرکت پر بھی پابندی عائد کردی گئی ہے۔