اسلام آباد(مانیٹرنگ ڈیسک )ن لیگ کے سینئر رہنما دانیال عزیز گہرے صدمے سے دو چار ، والدہ انتقال کر گئیں ۔ تفصیلات کے مطابق لیگی رہنما دانیال عزیز کی والدہ کا امریکا میں کافی عرصے سے ان کا علاج چل رہا تھا ۔ دو دن قبل صحت کے زیادہ خراب ہونے کی وجہ سے دانیال عزیز امریکا چلے گئے تھے ۔ خاندانی ذرائع نے بتایا ہے کہ ان کی

والدہ کا انتقال پیر کو ہوا اور ان کے تدفین بھی امریکا میں کی جائے گی ۔ واضح رہے کہ گزشتہ ماہ 22نومبر کو دانیال عزیز کے والد بزرگ سیاستدان چوہدری انور عزیز انتقال کر گئے تھے ، چوہدری انور عزیز رکن قومی اسمبلی اور وفاقی وزیر بھی رہے ، مرحوم مسلم لیگ ن کے رہنما دانیال عزیز کے والد تھے ۔