اسلام آباد (این این آئی)وفاقی وزیر خزانہ ڈاکٹر عبد الحفیظ شیخ کو ریونیو ڈویژن کا چارج بھی سونپ دیا گیا۔تفصیلات کے مطابق پاکستان تحریک انصاف کی حکومت نے عبدالحفیظ شیخ کو مشیر خزانہ بنایا تھا تاہم چند روز قبل ہائیکورٹ کے فیصلے کے بعد وزیراعظم عمران خان نے

عبدالحفیظ شیخ کو بطور وزیر خزانہ اپنی ٹیم میں شامل کرلیا تھا جس کا گزشتہ ہفتے انہوں نے حلف اٹھایا تھا۔اب وزیر خزانہ عبدالحفیظ شیخ کو ریونیو ڈویژن کا چارج بھی سونپ دیا گیا ہے۔‎ ڈاکٹر حفیظ شیخ اقصادی ماہر حفیظ شیخ نجکاری میں وسیع تجربہ رکھتے ہیں، وہ ہارورڈ اور کیمبرج یونیوسٹی سے منسلک رہے اور انہوں نے عالمی بینک میں بھی ملازمت کی ہے۔اقتصادیات میں پی ایچ ڈی کی ڈگری رکھنے والے ڈاکٹر حفیظ شیخ ’ارجنٹینا میں نجکاری‘ کتاب کے مصنف بھی ہیں، ٹیلی کمیونی کیشن، ٹرانسپورٹ، ایوی ایشن اور بینکوں کی نجکاری میں مہارت رکھتے ہیں۔سال2002 میں انہیں سندھ کا وزیر خزانہ مقرر کیا گیا تھا، دو سال بعد انہیں وزیرِ اعظم کا مشیر برائے نجکاری اور سرمایہ کاری مقرر کیا گیا اور بعد میں وہ سینیٹر بھی منتخب ہوئے۔ بعدازاں وہ 2010 تا 2013 وزیر خزانہ کے عہدے پر تعینات رہے۔