اسلام آباد (این این آئی)اسلام آباد ہائیکورٹ نے صوبوں سے وفاق آئے اساتذہ کی واپسی روکنے کی درخواست مسترد کردی ۔ ہفتہ کو جسٹس میاں گل حسن اورنگزیب نے درجنوں اساتذہ کی درخواستوں پر فیصلہ سنادیا ،اسلام آباد ہائیکورٹ نے اساتذہ کو اصل محکموں کو واپس بھیجنے پر حکم امتناع بھی خارج کردیا۔ فیصلے میں کہاگیاکہ اگر اساتذہ کو وفاقی نظامت تعلیمات
واپس اصل محکمے بھیج رہی تو عدالت نہیں روک سکتی،15سال کی ڈیپوٹیشن کے بعد بھی دوبارہ اصل محکموں میں بھیجنے میں کوئی پابندی نہیں، سالوں بعد بھی ڈیپوٹیشن والے کا اصل محکمے میں واپس جاسکتے ہیں۔ وفاقی نظامت تعلیمات میں ڈیپوٹیشن پر آنے والے اساتذہ ضم نہیں ہوئے، صوبوں سے ڈیپوٹیشن پر آنے والے اساتذہ کی نشستیں اصل محکموں میں موجود ہیں۔
