اسلام آباد(مانیٹرنگ ڈیسک )ایک فضائی کمپنی کی اپنے اسٹاف کو کرونا وائرس سے بچائو کیلئے دلچسپ ہدایات جاری ۔ تفصیلات کے مطابق چین کی ایک فضائی کمپنی نے تمام اسٹاف کو کہا ہے کہ ماسک کے ساتھ ڈائپرز پہنیں کیونکہ جہاز میں موجود واش روم کرونا وائرس پھیلائو کا

سبب بن سکتا ہے ۔ کریو ممبرز کیلئے ڈسپوزایبل نیپی،ماسک،گلوز اور ڈائپر پہننا لازمی قرار دیا گیا ۔چینی ماہرین صحت کے مطابق پبلک مقامات پر موجود واش رومز بھی کرونا وائرس پھیلانے کا باعث بن رہے ہیں۔چین کی سول ایوی ایشن اتھارٹی نے سبھی کریو ممبران کو مختلف ممالک کی فلائٹس کے دوران ماسوائے ایمرجنسی کے جہاز کا واش روم استعمال کرنے سے سختی سے منع کردیا ہوا ہے۔ایک ملک سے دوسرے ملک تک راستے میں کریو ممبر نے واش روم استعمال نہیں کرنااور ماسک سمیت ڈائپرز تک سب کچھ پہن کر رکھنا ہے اور مقررہ جگہ پر پہنچنے کے بعد ڈسپوز کرنا ہے۔چینی انتظامیہ کے مطابق کریو ممبران کو اس نئے حکنامہ پر اگلے سال مارچ تک عمل درآمد کرنا بہت ضروری ہے۔کیونکہ وہ کرونا وائرس کو پھیلنے سے ہر قیمت پر روکنا چاہتے ہیں۔چین نے یہ سختی اس لیے نافذ کی ہے کیونکہ گزشتہ دنوں ایک خاتون کو کورونا وائرس ہوا تو تحقیق کے بعد پتا چلا کہ اس نے جہاز کا واش روم استعمال کیا تھااور واش روم استعمال کرنے کی وجہ سے اسے کورونا وبا نے لپیٹ میں لے لیا۔لہٰذا اس طریقے سے پھیلنے والے کورونا وائرس سے نبٹنے کے لیے چینی انتظامیہ نے نئے اصول متعارف کرائے گئے ہیں ۔