اسلام آباد(مانیٹرنگ ڈیسک) مقدمے میں عدم پیشی ،مسلم لیگ ن کے ایم پی اے شفیق گجر اورسابق ایم این اے اعجاز ورک کو گرفتار کرکے پیش کرنے کاحکم ، نجی ٹی وی کے مطابق فیصل آباد کی مقامی عدالت میں لیگی رہنمائوں کے خلاف درج مقدمے کی سماعت ہوئی،عدالت کی جانب سے کئی بار طلبی کے باوجود پیش نہ ہونے پر
وارنٹ جاری کئے گئے،عدالت نے عدم پیشی پرلیگی ایم پی اے شفیق گجر،سابق ایم این اے اعجاز ورک کو گرفتار کرکے پیش کرنے کاحکم دیدیا۔یاد رہے کہ جولائی 2019 میں مریم نواز کی آمد پر ریلی نکالنے پر مقدمہ درج ہواتھا،مقدمہ تھانہ سرگودھا روڈ میں50 نامزد اور350 نامعلوم افراد کے خلاف درج کیاگیاتھا۔
