نوابشاہ،سانگھڑ (این این آئی)نواب شاہ میں درندگی کی انتہا ہوگئی جہاں بھائی نے بہن کو آبروریزی کے بعد جلاکرمار دیا۔اطلاعات کے مطابق متاثرہ لڑکی عمر 13 سال ہے جسے بھائی نےنشانہ بنایا اور پھر جلاکر ماردیا، بچی کی لاش قریبی کھیتوں سے ملی۔واقعہ کے بعد

علاقے میں خوف وہراس پھیل گیا،دریں اثنا سات سالہ بچی کی آبروریزی کرکے فرار ہونے والے ملزم کو پولیس نے گرفتار کرلیا۔پولیس کے مطابق واقعہ سانگھڑ کے نواحی گاؤں جمڑاؤ تین میں پیش آیا جہاں پڑوسی سات سالہ بچی کو بہلا کر قریبی ویران جگہ لے گیا اور نشانہ بنایا،بچی کے رونے اور شور مچانے پر لوگ پہنچے تو ملزم فرار ہوگیا۔ پولیس کے مطابق بعد ازاں بچی کی جانب سے شناخت بتانے پر پولیس نے چھاپہ مار کر ملزم عبدالکریم خاصخیلی کو گرفتار کرلیاجس نے پولیس کے سامنیاعتراف جرم بھی کرلیا۔پولیس کے مطابق کھڈرو تھانے میں ملزم کے خلاف کمسن بچی کے ساتھ آبروریزی کا مقدمہ درج کرلیا،بچی کو ہسپتال منتقل کردیا گیا ہے۔