اسلام آباد (این این آئی)برطانوی ایئر لائن ورجن اٹلانٹک 13 دسمبر سے پاکستان کیلئے فضائی آپریشن کا آغاز کرے گی۔ورجن اٹلانٹک نے پاکستان کیلئے فضائی آپریشن کا شیڈول جاری کر دیا، برطانوی ایئر لائن پاکستان کے لیے جدید ائیربس اے

332 استعمال کریگی۔ورجن اٹلانٹک کی پاکستان کیلئے فضائی آپریشن شروع کرنیکی تیاریاں مکمل ہو گئی ہیں، سول ایوی ایشن اتھارٹی (سی اے اے) کی جانب سے سلاٹ اور پروازوں کا شیڈول بھی جاری کر دیا گیا۔برطانوی ایئر لائن ورجن اٹلانٹک ایئر لائن کو ہفتہ وار 8 پروازوں کی لینڈنگ کی اجازت دے دی گئی ہے، ایئر لائن کو لاہور اور اسلام آباد کے لیے نوٹیفکیشن جاری کر دیا گیا ہے۔ورجن ائرلائن کو مانچسٹر سے پاکستان کے لیے پروازوں کی اجازت نہیں دی گئی، ایئر لائن 7 اور 9 دسمبرکو کارگو طیارہ سامان اور عملے کو لے کر لاہورپہنچے گا۔برطانوی ایئر لائن ورجن اٹلانٹک کی پہلی پرواز 13 دسمبرکو لاہور کے لیے اڑان بھرے گی۔