لاہور(نیوز ڈیسک) قومی کرکٹ ٹیم کے مایہ نازبیٹسمین یونس خان نے بھارتی سٹار کھلاڑی سنیل گواسکر سے ورلڈ ریکارڈ چھین لیا،ٹیسٹ میچوں کی تاریخ میں چوتھی اننگز میں سب سے زیادہ سنچریاں بنانے کا سنیل گواسکر کاچوتھی اننگز میں چار سنچریاں بنانے کا ریکارڈ یونس خان نے پانچ سنچریاں بنا کر توڑ ڈالا، سنیل گواسکر اور یونس خان دونوں نے 33 اننگز میں یہ کارنامہ انجام دیا مگر یونس خان نے ایک سنچری زائد بنائی جبکہ ان کی ایوریج بھی سنیل گواسکر کی ایوریج 58.25کے مقابلے میں 60.59 ہے ۔چوتھی اننگزاوسطاًسب سے زیادہ رنزبنانے والے دنیاکے بہترین کھلاڑی بن گئے۔سری لنکاکے خلاف تیسرے ٹیسٹ میچ میںقومی کرکٹ ٹیم کے مایہ نازبیٹسمین یونس خان نے پالی کیلے ٹیسٹ کے پانچویں اورآخری روز اپنی ٹیم کوفتح دلانے کیساتھ ہی ٹیسٹ میچ کی چوتھی اننگز میں اوسطاً سب سے زیادہ رنز بنانیوالے دنیا کے پہلے کھلاڑی بن گئے،یونس خان نے 39میچوں میں 33مرتبہ چوتھی اننگز کھیلی اور 5سنچریوں اور5 نصف سنچریوں کی مدد سے 60.59کی اوسط سے 1333رنز بنائے، دوسرے نمبر پر انگلینڈ کے بوائے کاٹ نے 58.76کی اوسط سے 1234اورتیسرے نمبر پربھارت کے سنیل گواسکرنے 58.25کی اوسط سے رنز بنائے ہیں۔