لاہور(مانیٹرنگ ڈیسک )پاکستان مسلم لیگ (ن) کےمرکزی رہنما رانا ثنا اللہ کے خلاف آمدن سے زائد اثاثہ جات کیس میں وارنٹ گرفتاری جاری کردیے گئے ہیں۔نجی ٹی وی ہم نیوز کے مطابق ن لیگ کے رکن قومی اسمبلی رانا ثنا اللہ کے وارنٹ گرفتاری پر چیئرمین نیب نے 9 نومبر کو دستخط کیے ہیں۔نیب کے ذمہ دار ذرائع کا کہنا ہے کہ راناثنا اللہ کے وارنٹ گرفتاری اور

انکوائری کو اپ گریڈ کرنے کی دستاویزات عدالت میں جمع کروا دی گئی ہیں۔نجی ٹی وی کو ذمہ دار ذرائع نے بتایا ہے کہ نیب نے اس ضمن میں استدعا کی ہے کہ راناثنا اللہ کی گرفتاری مطلوب ہے لہٰذا قبل ازگرفتاری کی درخواست ضمانت مسترد کی جائے۔پنجاب کے سابق وزیر قانون رانا ثنا اللہ نے عبوری ضمانت کے لیے لاہور ہائی کورٹ سے رجوع کر رکھا ہے۔