اسلام آباد (آن لائن) گلگت بلتستان میں انتخابی محاذ جیتنے کے کپتان کا اگلے ہدف پر کام شروع ،وزیر اعظم عمران خان کی نظر،اب آزادکشمیر کے انتخابات پر لگ گئی۔ تفصیلات کے مطابق وزیر اعظم کی زیر صدارت اجلاس میں آذادکشمیر کی صورتحال
پر بھی غور کیا گیا ۔وزیر اعظم عمران خان نے کھلاڑیوں کو آزادکشمیرمیں فوری کام شروع کرنے کی ہدایت کی۔وزیر اعظم کا گلگت کی طرح آزاد کشمیر کے لئے بھی تگڑی ٹیم تشکیل دینے کا فیصلہ کیا ہے ۔سیاسی ٹیم میں وفاقی وزراء ،پی ٹی آئی کے مرکزی قائدین شامل ہوں گے۔علی امین گنڈا پور،عامرمحمود کیانی ،سیف اللہ نیازی ،بیرسٹر سلطان کو اہم اہداف ملیں گے۔،وزیر اعظم نے ٹارگٹ دیدیا ہے کہ آزادکشمیر میں گلگت بلتستان سے اچھا انتخابی چاہئے۔آزاد کشمیر کے ہر حلقہ میں ہوم ورک کیا جائے گا،امیدواروں کی فہرستیں بھی مرتب ہوں گی۔پی ٹی آئی قیادت پر عزم ہے کہ آذادکشمیر میں تحریک انصاف مضبوط حکومت بنائے گی ۔
