فیصل آباد ( آن لائن )فیصل آباد کے علاقے سمندری میں باپ نے اپنی 6 سالہ بیٹی کو تشدد کر کے قتل کر دیا، پولیس نے مقدمہ درج کر لیا ہے۔ پولیس کے مطابق واقعہ سمندری کے چک نمبر 476 گ ب میں پیش آیا جہاں ریاض احمد نامی شخص نے اپنی 6 سالہ بیٹی نور فاطمہ کو لکڑی سے تشدد کا نشانہ بنایا جس کے نتیجے میں بچی

کی موت واقع ہو گئی۔ اہلِ محلہ کے مطابق ملزم ریاض کے 6 بچے ہیں، اس کی پہلی بیوی ناراض ہو کر چلی گئی تھی جبکہ ملزم نے دوسری شادی کر رکھی ہے۔ ملزم نے بچوں کو شرارتوں سے منع کیا اور باز نہ آنے پر انہیں تشدد کا نشانہ بنایا۔واقعے کے بعد سے ملزم مفرور ہے، پولیس نے مقدمہ درج کرکے مفرور ملزم کی تلاش شروع کر دی ہے۔