کوئٹہ( آن لائن ) بلوچستان حکومت نے نانبائیوں کے سامنے گھٹنے ٹیکتے ہوئے تمام مطالبات کو تسلیم کر لیا ۔بلوچستان حکومت کی جانب سے جاری کردہ نوٹی فکیشن کے مطابق صوبے میں 250 گرام وزنی روٹی کی قیمت 20 روپے ہوگی۔ خلاف ورزی کرنے والینان بائیوں کیخلاف کارروائی کی جائے گی۔ نوٹی فکیشن کے اجرا کے بعد نان بائیوں کی 12روزہ ہڑتال ختم
ہوگئی ہے اور کوئٹہ کے اکثر تندور کھل گئے ہیں۔ بلوچستان میں آٹے کی قیمت میں اضافے کے بعد نانبائیوں نے روٹی کی سرکاری قیمت بڑھانے کا مطالبہ کیا تھا۔ حکومت کی جانب سے ان کے مطالبات پورے نہ ہونے پر نانبائیوں نے ہڑتال کردی تھی۔ ہڑتال کے دوران شہر کے مختلف ہوٹلوں میں چپاتی اور روٹی کی قیمت 30 روپے وصول کی جارہی تھی۔
