اسلام آباد (این این آئی) پاکستان مسلم لیگ (ن )کے رہنما احسن اقبال نے کہا ہے کہ اپوزیشن کو منافق قرار دینے سے پہلے اپنے گریبان میں جھانکیں۔سوشل میڈیا پر جاری اپنے ٹوئٹر پیغام میں احسن اقبال نے وفاقی حکومت اور وزیر اعظم عمران خان پر تنقید کرتے ہوئے کہا کہ بجلی، گیس سستی کرنے کا وعدہ کر کے جو مہنگا
کرے وہ منافق اعظم ہے۔احسن اقبال نے کہا کہ چینی، آٹا، گھی سستا کرنے کا وعدہ کر کے جو مہنگا کرے وہ منافق اعظم ہے۔رہنما ن لیگ نے کہا کہ ایک کروڑ نوکریاں دینے کا وعدہ کر کے جو 2 کروڑ نوکریاں چھین لے وہ منافق ہے۔احسن اقبال نے کہا کہ 50 لاکھ گھر دینے کا وعدہ کر کے جو چھت چھین لے وہ منافق ہے۔
