سیری (آن لائن)کھوئی رٹہ کے نواحی گاؤں بنڈیاں کھالی کے مقام پر خوشیوں بھرا گھر ماتم میں بدل گیا۔ چند روز قبل شادی کے لیے دبئی سے آنے والا محمد ساجد شادی کے دن اچانک بلڈ پریشر لو ہونے کی وجہ سے چل بسا۔
والدین پر غشی کے دورے ہر آنکھ اشک بار ہوگئی ۔تفصیلات کے مطابق کھوئی رٹہ کے نواحی گاؤں بنڈیاں کھالی کے مقام پر خوشیوں بھرا گھر ماتم میں تبدیل ہو گیا ،چند روز قبل شادی کے لیے دبئی سے آئے محمد ساجد و لدمحمد بوستان چوہدری مرحوم کی رسم حنا سے ایک دن قبل اچانک صحت خراب ہو گئی ،بلڈپریشر گرنے کی وجہ سے فوری طور پر ہسپتال پہنچایا لیکن وہ جانبر نہ ہو سکا اور چل بسا ،محمد ساجد کی موت کی خبر گھر پہنچتے ہی کہرام مچ گیا ،والدین پر غشی کے دورے پڑنے لگے ،محمد ساجد کی اچانک وفات سے دونوں گھروں کی خوشیاں ماتم میں تبدیل ہو گئی ،مرحوم کی نماز جناز رسم حنا والے دن ادا کی گئی، نماز جنازہ میں سینکڑوں افراد نے شرکت کی، نوجوان کی اچانک موت پر ہر آنکھ اشک بار تھی مرحوم کو آہوں اور سسکیوں میں مقامی قبرستان میں سپردِ خاک کر دیا گیا۔
