ابوظہبی (این این آئی)دبئی کرکٹ اسٹیڈیم میں بالی وڈ کے کنگ شاہ رخ خان کو لمبے بالوں کے ساتھ دیکھ کر بھارت سمیت دنیا بھر میں ان کے مداح کافی حیران ہوئے تھے۔بالی وڈ کے کنگ شاہ رخ خان کو حال ہی میں آئی پی ایل کے میچ کے دوران اسٹیڈیم میں ٹیم کولکتہ کو سپورٹ کرتے دیکھا گیا تھا۔شاہ رخ خان کے نئے ہیئر اسٹائل کے حوالے سے بھارتی ویب سائٹ کا کہنا ہے کہ
شاہ رخ خان اپنے بال آنے والی فلم ”پٹھان” کی وجہ سے بڑھا رہے ہیں۔بھارتی ویب سائٹ کے مطابق ایکشن اور تھرل سے بھرپور فلم کے ایک حصے میں شاہ رخ خان لمبے بالوں کے ساتھ نظر آئیں گے۔فلم میں اداکارہ دپیکا پڈوکون بھی شامل ہیں جبکہ جان ابراہم ولن کا کردار نبھائیں گے۔اس سے قبل فلم ”ڈان2” کے لئے بھی شاہ رخ خان نے اپنے بال بڑھائے تھے۔
