کراچی ( آن لائن )پاکستان کے معروف اداکار لطیف منا انتقال کر گئے ہیں۔خاندانی ذرائع کے مطابق  لطیف منا کا انتقال دل کا دورہ پڑنے سے ہوا ہے، لطیف منا کے انتقال پر سندھ فنکار ویلفیئر ٹرسٹ کا 3 روزہ سوگ کا اعلان کیا گیا ہے۔

خاندانی ذرائع کے مطابق لطیف منا کئی ماہ سے علیل تھے اور اْنہیں کچھ روز قبل جگر اور معدے میں تکلیف کے باعث اسپتال میں داخل کیا گیا تھا ۔لطیف منا 7 نومبر 1945 ئ￿  میں کراچی میں پیدا ہوئے، ان کے والد صاحب عبدالعزید اخوند مختیارکار تھے، لطیف منا نے 1977 سے اسٹیج اور پاکستان ٹیلی ویڑن سے فنی دنیا میں قدم رکھا، پی ٹی وی پر ان کا پہلا ڈراما ’پیوند‘ تھا جس کے بعد ان کے مشہور ڈراموں میں ’دنیا دیوانی‘ ’مچھچٹو مگھر داماد‘ سمیت ایک ہزار سے زائد مشہور ڈرامے شامل ہیں۔لطیف منا کراچی کے ویلفیئر اسپتال میں زیر علاج تھے، ان کے سوگوارن میں اہلیہ 2 بیٹے اور ایک بیٹی شامل ہیں