تھرپارکر(مانیٹرنگ ڈیسک ) مٹھی میں لڑکی سے آبرو ریزی کا واقعہ سامنے آیا ہے جس کے بعد لڑکی نے کنویں میں چھلانگ لگا کر خودکشی کرلی، پولیس نے دو نامعلوم افراد کے خلاف مقدمہ درج کرلیا۔نجی ٹی وی دنیا کی رپورٹ کے مطابق مٹھی کے گائوں دلن کا تڑ آبرو ریزی کی شکار لڑکی
مومل میگھواڑ کی خودکشی کا معمہ، لڑکی کے والد کھینئرو مل کی مدعیت میں ملزم آدم دل اور دو نامعلوم ملزمان پر خودکشی سے پہلے دوبارہ آبرو ریزی اور موت کا سبب بننے کا مقدمہ درج کردیا گیا ہے۔چیلہار پولیس نے ایک اہم ملزم آدم دل کو گرفتار کرلیا ہے،واقعے کی تفتیش اور والدین سے تعزیت کے لئے ایس ایس پی تھرپارکر سردار حسن نیازی بھی گائوں دلن کا تڑ پہنچے اور لڑکی کے والدین سے تعزیت کی اور ورثاء اور میڈیا سےبات کرتے کہا کہ واقعے کی تفتیش خود کررہاہوں،ورثاء کی شکایت پر مقدمہ درج کرکے ایک ملزم کو گرفتار کرلیا ہے۔لڑکی کے والد کھینئرو اور والد تاری بائی نے ایس ایس پی کو بتایا کہ بیٹی کو ملزم آدم دل نے ہمارے بیٹی کو تنگ کرکے خودکشی کرنے پر مجبور کیا، ہمارے بیٹی سے دو سال قبل آبرو ریزی کے کیس میں پولیس نے صحیح تفتیش نہیں کی اور ڈی این اے میں کپڑے بھی تبدیل کردیئے گئے۔ان کا کہنا تھا کہ مقدمے کے بعد ملزماں نے ہم کو دہمکیاں دیں اس کو تین بار پولیس کو درخواستیں دیں اور جب اب مقدمہ عدالت میں شروع ہونے والا تھا کہ ہماری بیٹی کو ملزم آدم دل رات کو کس طرح گھر لے گیا۔ آبرو رریزی کا نشانہ بنایا اور پھر اسی وقت ہی اس کی کنویں سے لاش ملی۔انہوں نے کہا کہ ہم سے ملزم نے ظلم کیا ہے، اب ہم سے انصاف دلایا جائے۔ ایس ایس پی تھرپارکر حسن سردار نیازی نے یقین دلایا کہ متاثر خاندان کو ہر صورت میں انصاف دلایا جائے گا،پوسٹ مارٹم کرانے کے ساتھ گرفتار ملزم کا ڈی این اے ٹیسٹ کرایا گیا ہے،ملزم کو سخت سزا دی جائے گی۔
