نوشہرہ(آن لائن) آل گورنمنٹ ایمپلائز گرینڈ الائنس نوشہرہ نے اپنے مطالبات کے حل کے لئے حکومت کو 5اکتوبر کا الٹی میٹم دیتے ہوئے کہا ہے کہ حکومت ہوش کے ناخن لیکر ملک بھر کے سرکاری ملازمین کی معاشی قتل عام بند کرکے ان کی تنخواہوں اور سالانہ اینکریمنٹ میں اضافہ کریں اگر وفاقی اور صوبائی حکومتوں نے سرکاری ملازمین کے مطالبات تسلیم نہ کئے تو 6اکتوبر کو ملک

بھر کے سرکاری ملازمین اپنے مطالبات کے حق کیلئے اسلام آباد میں دمادم مست قلندر کریں گے ان خیالات کا اظہار آل پاکستان کلرکس ایسو سی ایشن کے مرکزی صدر فضل غفار باچا، آل گورنمنٹ ایمپلائز گرینڈ الائنس کے صوبائی چیئر مین اسلام الدین خان، محمد ادریس ہاشمی، کاشف خان خویشگی نے نوشہرہ شوبرا چوک میں احتجاجی مظاہرے کے بعد میڈیا سے بات چیت کرتے ہوئے کیا اس موقع پر افسر خان خویشگی، نور محمد خان، محمد ناہید خان، مقصود علی شاہ، اشفاق خٹک، رہنما ایپکا غلام سرور خان بھی موجود تھے مظاہرین سے خطاب کرتے ہوئے مقررین نے کہا کہ مہنگائی اسمان سے باتیں کر رہی ہے اور سرکاری ملازمین کی تنخواہیں جوں کے توں ہیں ملازمین کی تنخواہوں میں عدم اضافے کی وجہ سے ملازمین کی قوت خرید جواب دے گئی ہیانہوں نے کہا کہ پاکستان کی تاریخ میں پہلی بار کسی حکومت نے سرکاری ملازمین کی تنخواہوں اور سالانہ اینکریمنٹ میں اضافہ نہ کر کے سرکاری ملازمین کو معاشی طور پر مفلوج کر کے رکھ دیا ہے جو کہ انتہائی افسوس ناک ہے انہوں نے کہا کہ موجودہ حکومت 40سے 45سرکاری محکموں کی نجکاری پر تلی ہوئی ہے اور اس نجکاری سے نہ صرف سرکاری ملازمین بلکہ عام عوام بھی بری طرح متاثر ہوں گے انہوں نے مزید کہا کہ سرکاری ملازمین کے نمائندہ تنظیم اور وفد کے ساتھ سنجیدگی کے ساتھ مل بیٹھ کر مسلے کا حل نکال کر سرکاری ملازمین

کو ریلیف دیں کیونکہ سرکاری ملازمین اس ملک کی ترقی میں ریڑ کی ہڈی جیسا کردار ادا کر رہے ہیں اور اگر حکومت نے لولی پاپ دے کرٹرکانے کی کوشش کی تو ہم بھی اینٹ کا جواب پتھر سے دینا جانتے ہیں مقررین نے حکومت کو 5اکتوبر تک

کا الٹی میٹم دے دیا اور کہا کہ اگر 5اکتوبر تک ہمارے مطالبات حل نہ کئے گئے تو پھر 6اکتوبر کو ملک بھر کے سرکاری ملازمین قافلوں کی شکل میں جاکر حکومت کے خلاف اسلام آباد کی سڑکوں پر دمادم مست قلندر کرکے احتجاجی دھرنا دینگے۔

موضوعات:تنخواہوں میں اضافہ