اسلام آباد(مانیٹرنگ ڈیسک)وفاقی وزیر ریلوے شیخ رشید احمد نےنجی ٹی وی پروگرام میں گفتگو کے دوران کہا ہے کہ کچھ روز قبل آرمی چیف جنرل قمر باجوہ نے پارلیمانی رہنمائوں کیساتھ میٹنگ کے دوران اپوزیشن کو واضح کیا کہ ہمیں سیاست میں مت گھسیٹیں ،وفاقی وزیر کا کہنا تھا کہ چند روز قبل ہونے والی میٹنگ میں پاک فوج کے سپہ سالار جنرل قمر جاوید باجوہ نے

اپوزیشن کو واضح طور پر کہا کہ نیب اور چیف الیکشن کمشنر سے متعلق ہمارا کوئی تعلق نہیں ، آپ جانے یا وہ جانیں۔ شیخ رشید نے بتایا کہ پارلیمانی رہنمائوں کیساتھ میٹنگ کے دوران آرمی چیف جنرل قمر جاوید باجوہ نے مولانا فضل الرحمن کے بیٹے اسعد الرحمن کو کہا کہ ایک طرف اسمبلیوں کے خلاف، دوسری طرف آپ کے والد اسی اسمبلی سے صدارتی امیدوار تھے۔

موضوعات:اسعد الرحمان شیخ رشید شیخ رشید احمد مولانا فضل الرحما ن